Monday, November 29, 2010

“တစ်သက်ငြိစရာ ချက်ကြည့်ပါ”


ကျွန်မရဲ့ C box မှာ 'ma' က ကြေအိုးဆီချက် လုပ်နည်းလေး တင်ပေးဖို့ ပြောသွားပါတယ်။ ကျွန်မနဲ့ ရင်းနှီးတဲ့ ကျောင်းက သူငယ်ချင်းတစ်ယောက်ကလည်း  အဲဒီ့ပို့စ်လေးဖတ်ပြီး ချက်နည်းလေး ပြောပါဦး လို့ လှမ်းပြော ပါတယ်။ ဒီတော့ ကျွန်မလည်း ကျွန်မရဲ့ မတတ်တတတ် ကြေးအိုးဆီချက် လုပ်နည်းလေး ကို မျှဝေပေးလိုက်ပါတယ် နော်။

လိုအပ်တဲ့ပစ္စည်းတွေက

ဝက်သား ကြိတ်သား
ဝက်အူချို
ဆန်ကြာဇံ
မုန်ညင်းစိမ်း
ကြက်သွန်ဖြူ
ဂျင်း
ပဲငံပြာရည်အကြည်ရည်
ကော်မှုန့်
သကြား
ဆား
အချိုမှုန့်
ဆီ

ပထမဦးဆုံး ၀က်သားကြိတ်သား၊ ကော်မှုန့်၊ ပဲငံပြာရည်အကြည်၊ သကြား၊ အချိုမှုန့်၊ ကြက်သွန်ဖြူ ညက်ညက် ထောင်းထားတာနဲ့ ရောနယ်ပြီး နှပ်ထားပေးပါတယ်။ 

ဝက်ရိုးကို ဂျင်းလက်တစ်ဆစ် မညက်တညက်ထောင်းထားတာ နဲ့ ကြက်သွန်ဖြူ သုံးမွှာ ဓါးပြားရိုက်၊ ဆား၊ အချိုမှုန့် တို့နဲ့ ရောနယ်ပြီး ပြုတ်ထားပေးပါတယ်။ ကျွန်မကတော့ အနည်းဆုံး တစ်နာရီလောက် ပြုတ် ပါတယ်။ ရေခန်းလာရင် ရေနွေးထပ်ဖြည့် ပြုတ်ပါတယ်။ ကြာကြာပြုတ်တော့ ၀က်ရိုးကအချိုရည် ပိုထွက် ပါတယ်။ 

အဲဒီ့အချိန်မှာ ကြာဇံကိုလည်း ရေအေးနဲ့ စိမ်ထားပါတယ်။ နာရီဝက်လောက်နေလို့ ကြာဇံပျော့လာရင် ဇကာနဲ့ ရေစစ်ထား ပါတယ်။

ကြက်သွန်ဖြူ ညက်ညက်ထောင်းထားတာကို ဆီချက်လေး ချက်ထားရပါတယ်။

ပြီးတော့ မုန်ညင်းစိမ်းကို လက်နှစ်ဆစ်လောက်စီ ပိုင်း၊ ရေဆေးပြီး စစ်ထားပါတယ်။

ဒီဘက်က ၀က်ရိုးပြုတ်ရပြီဆိုရင် ၀က်သားကြိတ်သားကို အနေတော်လေးတွေလုံးပြီး ၀က်ရိုးပြုတ်ရည် အိုးထဲမှာ သံဇကာလေးခံပြီး ထည့်ပြုတ်ပါတယ်။ အသားလုံးလေးတွေ ကျက်ပြီဆိုရင် ဆယ်ပြီး ဇကာလေးနဲ့ စစ်ထားပါတယ်။
 
ဝက်အူချိုကို ဗနီကာရည်နဲ့ ပြောင်နေအောင်ဆေးပါတယ်။ ပြီးတော့ ပဲငံပြာရည် အကြည်၊ သကြား နည်းနည်း၊ အချိုမှုန့်နည်းနည်း တို့နဲ့နယ်ပြီး ရေထည့် ပြုတ်ပါတယ်။ ရေခန်းလာပြီး အူချို မနူးသေးရင် ရေနွေးလေးနည်းနည်း ဖြည့်ထည့်ပြီး ဆက်ပြုတ်ပါတယ်။ အူချိုလည်းနူးပြီ၊ ရေလည်းခန်းပြီဆိုရင် နာနတ်ပွင့်လေး တစ်ပွင့် နှစ်ပွင့် ကို အိုးထဲ ပစ်ထည့်လိ်ုက်ပါတယ်။ အနံ့မွှေးသွားပါတယ်။ ဒါဆို အူချိုလည်း  မီးဖိုပေါ်က ချလို့ ရပါပြီ။

အဲဒီ့နောက် ၀က်အူချိုအိုးထဲကို ခုနက ပြုတ်ထားတဲ့ ၀က်သားလုံး လေးတွေ ထည့်ပါတယ်။ ပဲငံပြာရည် အကြည်ရည် နည်းနည်းထည့်ပါတယ်။ ပြီးတော့ ဆီချက်က အရည် (ကြက်သွန်ဖတ်မပါ) ကို နည်းနည်း ခပ်ထည့်ပြီး နှံ့အောင်မွှေပြီး ပန်းကန်တစ်ခုထဲ ထည့်ထားလိုက်ပါတယ်။

ရေစစ်ထားတဲ့ ကြာဇံကို ၀က်ရိုးပြုတ်ရည်အိုးထဲမှာ သံဇကာလေးခံပြီး ထည့်ပြုတ်ပါတယ်။ ကြာဇံနူးရင် ရေစစ်ပြီး ပန်းကန်ထဲထည့် ဆီချက်ရည်လေးနဲ့ ပဲငံပြာရည်အကြည် နည်းနည်း၊ အချိုမှုန့်လေး နည်းနည်း ထည့်မွှေပါတယ်။ ပြီးတော့ ခုနက ၀က်သားလုံးနဲ့ အူချိုကို ကြာဇံပေါ်က တင်လိုက်ပါတယ်။ 

မုန်ညင်းစိမ်းကို ၀က်ပြုတ်ရည်အိုးထဲပစ်ထည့်၊ ခဏနေရင်ပြန်ဆယ် ဇကာနဲ့စစ်ပါတယ်။ ပြီးတော့  ခုနက ကြာဇံ၊ ၀က်သားလုံး နဲ့ အူချို ထည့်ပြီးသား ပန်းကန်ထဲမှာ ဆီချက်ဖတ်လေးဆမ်းပြီး အပေါ်ကနေ မုန်ညင်းစိမ်းလေး အုပ်လိုက် ပါတယ်။

ကဲ- ဒါဆို ပူပူနွေးနွေး ကြေးအိုးဆီချက်လေး ရပြီပေါ့နော်။

ကြေးအိုးဆီချက်နဲ့ တွဲသောက်ဖို့ ဟင်းရည်ကတော့ ခုနက ၀က်ရိုးပြုတ်ရည် (၀က်သားနဲ့ကြာဇံ ထည့်ပြုတ် ထားတဲ့) ကို အပေါ့အငန် ပြင်ပြီး သောက်လို့ ရပါတယ်။

တကယ်လို့ ကြေးအိုးဆီချက် မဟုတ်ဘဲ ကြေးအိုးအရည် သောက်ချင်သူ များကတော့ ၀က်ရိုး ပြုတ်ရည်ကို အပေါ့အငံ အနေတော်ဖြစ်အောင် ပဲငံပြာရည်အကြည်၊ ဆား၊ အချိုမှုန့်တို့ လိုသလို ထည့်ပြီး တည်ပါ။ ခုနက ၀က်သားနဲ့ ၀က်အူချိုကို ၀က်ရိုးပြုတ်ရည်နဲ့ ပြုတ်ရုံပဲပြုတ်ပြီး ဆယ်ထားပါ။ (ဆီချက်နဲ့မွှေရန်မလို)၊ တကယ်လို့ ၀က်သား မဆယ်ချင်သူ များကလည်း အဲဒီ့အထဲကိုပဲ ကြာဇံ ထည့်ပြုတ်လို့ ရပါတယ်။ အဲဒါဆိုရင်တော့ ၀က်ရိုးပြုတ်ရည်ကို တစ်ပွဲစာဆီ အိုးအသေးနဲ့ ခွဲပြီးလုပ်ရမှာပေါ့နော်။ ကြာဇံကိုလည်း ၀က်ရိုးပြုတ်ရည်နဲ့ ပြုတ်ပြီးရင် အဲဒီ့ ကြာဇံရယ်၊ ၀က်သားလုံး နဲ့ အူချိုရယ် ကို ၀က်ရိုးပြုတ်ရည် တစ်ပွဲစာနဲ့ ရောပြီး  စားသုံးနိုင်ပါတယ်။ ငရုတ်ကောင်းမှုန့်လေး လည်း ကြိုက်တတ်ရင် ဖြူးလို့ရပါတယ်။

တွဲဖက်စားသုံးရန်အချဉ်ကိုတော့ မိမိကြိုက်နှစ်သက်ရာ အချဉ်နဲ့တွဲဖက်ပြီး စားသုံးကြပါနော်။

ဝက်သားမစားသူများကလည်း ကိုယ်နှစ်သက်ရာ အသားသုံးပြီး ချက်ပြုတ်နိုင်ပါတယ်။ ကျွန်မတို့ အိမ်မှာတော့ ကျွန်မဘွားဘွားက ၀က်သားမစားလို့ ကြက်သားနဲ့ တစ်ပွဲသပ်သပ် လုပ်ပေးရလေ့ ရှိပါတယ်။

ကျွန်မ အရင် ပို့စ်မှာ ပြောခဲ့သလိုပဲ ကျွန်မနဲ့ စာရေးဆရာ စားဖြစ်ရုံ ချက်တဲ့နည်းမို့ ရန်ကုန်က ဆိုင်တွေလို လက်ရာမြောက် မဟုတ်ပေမယ့် ကိုယ့်ဘာသာကိုယ် စမ်းပြီး ချက်ကြည့်ရင် နောက်ပိုင်းမှာ တဖြည်း ဖြည်းချင်းနဲ့ အစပ်အဟပ်၊ အတွဲအဖက် မိလာမယ်လို့ ကျွန်မ မျှော်လင့်မိပါတယ်။ ဒါကြောင့်မို့ ကိုယ် ကိုယ်တိုင်ရော၊ ကိုယ်နဲ့ ပတ်သက်တဲ့သူတွေရော တစ်သက်ငြိစရာ ဖြစ်အောင်လို့ ချက်ကြည့်ပါ လို့ တိုက်တွန်း လိုက်ပါရစေ။               ။

ပါရမီဖြည့်ဖက်လေး
၂၀း၃၀နာရီ
၃၀.၁၁.၂၀၁၀

3 comments:

Anonymous said...

မရေ...ခုတလော အချက်အပြုတ် ပညာလေးတွေ
လိုအပ်နေချိန်မို့ သေချာလေ့လာသွားတယ်ရှင်။ :)
..ခင်မင်လျှက်..ခင်မာလာအောင်..:)
link လေးလဲ ယူသွားတယ်နော်။

Unknown said...

ချိုရေ..
မနေ့ကတည်းကတော့ သေချာမှတ်ထားတာပဲ။
အခုတစ်ခေါက်ထပ်တင်ထားတော့ ကျေးဇူးနော်။
မှတ်ပြီး ချက်စားကြည့်လိုက်မယ်။

kyimar said...

ကျေးဇူးပါ ခုလိုလေးတွေ များများတင်ပေးပါနော်...........

Post a Comment

ကျွန်မအတွက် အမှတ်တရစကားလေးတွေ ချန်ထားပေးခဲ့လို့ ကျေးဇူးပါနော်.....

Related Posts Plugin for WordPress, Blogger...