Monday, August 1, 2011

"၀က်သားခရမ်းသီးနှပ်"

ဒီတစ်ခါတော့ ၀က်သားနဲ့ ခရမ်းသီးနှပ်စားဖြစ်တာလေး မျှဝေပေးချင်ပါတယ်။ ကျွန်မရော စာရေးဆရာပါ ခရမ်းသီးနှပ် ကြိုက်ကြပါတယ်။ နှစ်ယောက်စလုံး လေအောင့်တတ်ကြပေမယ့် မတည့်တဲ့ ခရမ်းသီးနှပ်ကို သိပ်စားချင်ကြတယ်လေ။ ကျွန်မကတော့ ဒီတစ်ခါ ၀က်သားလေးနဲ့နှပ်တာ စားဖြစ်ပါတယ်။

အရင်ဆုံး ၀က်သားကို အနေတော်တုံး၊ ရေဆေးပြီး ဆားအချိုမှုန့်နဲ့ နယ်ပါတယ်။ အိုးတစ်လုံးမှာ ၀က်သားထည့် ရေမြုပ်အောင်ထည့်ပြီး ပြုတ်ပါတယ်။ ကြက်သွန်ဖြူနီ၊ ချင်း၊ ငရုတ်သီးစိမ်း ရောထောင်းပါတယ်။ ကျွန်မက ငရုတ်သီးစိမ်းနဲ့ နှပ်တာပိုကြိုက်လို့ပါ။ ငရုတ်အစိမ်းမှုန့် (အရောင်တင်မှုန့်) မထည့်ပါဘူး။ ခရမ်းသီးကို အနေတော် စိတ်ပြီး ရေဆေးထားပါတယ်။ အိုးတစ်လုံးမှာ ပြုတ်ထားတဲ့ ၀က်သား၊ ကြက်သွန်ဖြူနီ၊ချင်း ငရုတ်သီးစိမ်း ထောင်းထားတာ၊ ငါးပိစမ်းစားအနည်းငယ်၊ ပုဇွန်ခြောက်မှုန့်၊ ဆီ၊ ဆား၊ အချိုမှုန့် စတာတွေထည့်ပြီး သမအောင် ရောနယ်ပါတယ်။ ဆီစိမ်းနံ့ ပျောက်အောင် နာနာလေး နယ်ပေးပါတယ်။ ပြီးမှ ရေအနည်းငယ်ထည့်ပြီး မီးဖိုပေါ် တင်နှပ်ပါတယ်။ ရေခန်းလို့ ခရမ်းသီး မနူးသေးရင် ရေဆူအနည်းငယ် ထပ်ထည့်ပါတယ်။ ခရမ်းသီးနဲ့ ၀က်သားလည်းနူး၊ ဆီလည်းပြန်ရင်တော့ အပေါ့အငံပြင်ပြီး မီးဖိုပေါ်က ချပါတယ်။ ဒါဆို ငရုတ်သီး စပ်စပ်လေးနဲ့ ၀က်သားခရမ်းသီးနှပ် ရပါပြီ။

ချက်တာကတော့ အရောင်တင်မှုန့်မသုံးဘဲ ငရုတ်သီးစိမ်းနဲ့ ချက်တာပါ။ ဒါပေမဲ့ ဒီက ငရုတ်သီးစိမ်း အစိမ်းရောင်တောင့်တွေက မစပ်တာမို့ အနီရောင် ငရုတ်သီးစိမ်းတောင့် ထည့်သုံးပါတယ်။ ဒါကြောင့် ဟင်းအရောင်က အစိမ်းရောင်မပေါက်ပဲ၊ အနီရောင် ဖြစ်နေတာပါ။



2 comments:

Angelhlaing(May everybody be happy and healthy! said...

ဟိုတစ်နေ့က ကိုယ်ဘာသာချက်စားတာ ပြန်မြင်ယောင်ရင်း ပြုံးသွားတယ်မမရေ ညီမလေးက အဲလောက် အဖြစ်ရှိတာဆိုတော့...:):)

mstint said...

ဝက်သားခရမ်းသီးနှပ် ချက်နည်းလေးမှတ်သွားတယ် ကျေးဇူးနော်။
စိတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Post a Comment

ကျွန်မအတွက် အမှတ်တရစကားလေးတွေ ချန်ထားပေးခဲ့လို့ ကျေးဇူးပါနော်.....

Related Posts Plugin for WordPress, Blogger...