" ၀က်သားမျှစ်ချဉ်၊ ခရမ်းချဉ်သီးငါးပိချက်နဲ့ ငါးကြော် "

ဟိုတလောက ၀က်သားနဲ့ မျှစ်ချဉ်ချက်စားကြတယ်။ မျှစ်ချဉ်ကို ငါးပိစိမ်းစား အနည်းငယ်နဲ့ နယ်ပြီး ရေထည့်ပြုတ်တယ်။ ၀က်သားကို ဆား၊ အချိုမှုန့်၊ ပဲငံပြာရည်အကြည်ရည်နဲ့ နယ်ထားတယ်။ ကြက်သွန်ဖြူနီဂျင်း ထောင်းထားတာကို အရောင်တင်မှုန့်ထည့် ဆီသတ်တယ်။ ဆီသတ်မွှေးလာရင် ၀က်သားထည့်၊ ငံပြာရည်နဲ့ အချိုမှုန့်ထည့်လုံးတယ်။ ၀က်သားကထွက်တဲ့ ရေခန်းလို့ မွှေးလာရင် ပြုတ်ထားတဲ့ အိုးထဲကမျှစ်ဖတ်တွေဆယ်ထည့်ပြီး လုံးတယ်။ ဆီပြန်ရင် မျှစ်ပြုတ်အိုးထဲ အားလုံးပြောင်းထည့် ရေလိုသလို ထည့်ပြီး ၀က်သားရော၊ မျှစ်ပါနူးသည် အထိ တည်တယ်။ အပေါ့အငံပြင်တယ်။ ခရမ်းချဉ်သီး ငါးပိချက်လည်း ချက်ဖြစ်တယ်။ ခရမ်းချဉ်သီးငါးပိချက် ကတော့ အရင်ကလည်း ပို့စ်တင်ဖူးပါတယ်။

နောက်တစ်မျိုးကတော့ ငါးကြော်ပါ။ ဈေးထဲမှာ ပင်လယ်ငါးသေးသေးလေးတွေ တွေ့တာနဲ့ ၀ယ်လာခဲ့တယ်။ ငါးလေးတွေကို ဗိုက်ဖောက်၊ ဆေးကြောပြီး ဆား၊ဆနွင်း၊ အချိုမှုန့်နဲ့ နယ်တယ်။ ပြီးတော့ ဆီပူမှာ ကျွတ်နေအောင်ကြော်ပြီး ဆယ်ထားတယ်။ ဆီးနည်းနည်းမှာ ကြက်သွန်ဖြူပါးပါးလှီး၊ ကြက်သွန်နီပါးပါးလှီးထားတာ ထည့်ကြော်တယ်။ ကြက်သွန်ကျွတ်လာရင် ငရုတ်သီးအရောင်တင်မှုန့်နဲ့ ငရုတ်သီးလုံးကွဲထည့်၊ ငါးကြော်တွေထည့်ရောပြီး မီးပိတ်လိုက်တယ်။ အဲဒါဆို ငါးကြော်လေးတွေ ရပါပြီ။

" မျှစ်တာလပေါဟင်းနဲ့ ငါလေးချဉ်သုပ် "

မျှစ်တာလပေါဟင်း စားချင်နေတာ တော်တော်ကြာပြီ။ ၀ါးပိုးမျှစ်ရောင်းတာ မတွေ့တာနဲ့ ငြိမ်နေတာ။ တလောက City Hall ကနေ မျှစ်ချဉ်ဝယ်ချက်စားတယ်။ အရင်ဆို ပျဉ်းမနားမျှစ်ချဉ်ထုပ်တွေနဲ့ ချက်တာ။ အဲဒီနေ့ကတော့ ထိုင်းကမျှစ်ချဉ်ပဲ တွေ့တာနဲ့ အဲဒါနဲ့ ၀ယ်ချက်တယ်။ ပျဉ်းမနားမျှစ်ချဉ်လောက် မချဉ်ဘူး။ ပြီးတော့ အလွှာလေးတွေ လွှာထားတာဆိုတော့ တာလပေါချက်ရင် ကောင်းမှာပဲဆိုပြီး အကြံရတယ်။ ဒါနဲ့ စနေနေ့က City Hall ရောက်တော့ အဲဒီထိုင်းမျှစ်ထုတ်လေးတွေ ၀ယ်ခဲ့တယ်။ ရန်ကုန်မှာဆိုရင်တော့ ၀ါးပိုးမျှစ်အတုံးကြီးတွေ ၀ယ်ပြီး ကိုယ့်ဘာသာ လွှာချက်တယ်။ ဒီမျှစ်လည်း ၀ါးပိုးမျှစ်ပဲ။ ဒါပေမယ့် အချဉ် ထည့်ထားတော့ နည်းနည်းတော့ ချဉ်နေတယ်။

အရင်ဆုံး မျှစ်ကို ပြုတ်ပါတယ်။ မျှစ်က သိပ်မချဉ်ဘူးဆိုပေမယ့် အချဉ် လုံးဝ ပျောက်သွားအောင် ရေနဲ့စိမ်ပြီးဆေးလိုက်တယ်။ ပြီးမှ အိုးတစ်လုံးမှာ ထည့်ပြုတ်တယ်။ မျှစ်ပြုတ်ထားတုန်းမှာ ဒညင်းဝက်ကို အခွံခွာပြီးပြီး ခပ်ပါးပါးလှီးထားတယ်။ ရုံးပတီသီးကို တစ်စောင်းလေးတွေ ဖြတ်တယ်။ ပင်စိမ်းကို အရွက်နွှင်ပြီး ရေဆေးထားတယ်။ ငရုတ်သီးစိမ်းကို ရေဆေး ထက်ခြမ်းခြမ်းထားတယ်။ ရေကျိုငါးပိကို ရေအေးလေးနဲ့ ဖျော်ထားတယ်။ ဆန်လက်တစ်ဆုပ်လောက်ကို ဒယ်အိုးမှာ ထည့်လှော်ပြီး ငရုတ်ဆုံနဲ့ ထောင်းထားတယ်။ 

မျှစ်နူးလာရင် ရေဆူကို ကိုယ်လိုချင်သလောက် ဟင်းရည်အနေအထား ထည့်တယ်။ ပြီးတော့ လှော်ထားတဲ့ ဆန်မှုန့်တွေ ထည့်ပြီး မွှေပေးတယ်။ ဆန်မှုန့်ပျော်ပြီး ဆူပွက်ရင် ဖျော်ထားတဲ့ ရေကျိုငါးပိရည်ကို ထည့်ပါတယ်။ ဟင်းရည်ကျအောင် အဖုံးဖွင့်ပြီး ဆက်တည်ပေးထားတယ်။ ငံပြာရည်နဲ့ အချိုမှုန့်ထည့်တယ်။ အရင်တော့ ပုဇွန်ခပ်သေးသေးတွေချေပြီး  ထည့်ခပ်ချက်တယ်။ ဟင်းရည်ချိုအောင်လို့။ ဒီတစ်ခါတော့ ပုဇွန်ဝယ်ထားတာ မရှိတာနဲ့ မထည့်တော့ဘူး။ ဒညင်းဝက်လှီးထားတာတွေ ထည့်ပြီး ခဏဆက်တည်ပေးတယ်။ ဟင်းရည်လည်း အနေတော်ဖြစ်၊ မျှစ်နဲ့ ဒညင်းဝက်နူးရင် ရုံးပတီသီးထည့်၊ ငရုတ်သီးစိမ်းထည့်မွှေပါတယ်။ ပြီးတာနဲ့ ပင်စိမ်းအုပ်ပြီး မီးပိတ်လိုက်တယ်။ ဒါဆို မျှစ်တာလပေါဟင်း ပူပူစပ်စပ် မွှေးမွှေးလေး ရပါပြီ။

မျှစ်တာလပေါနဲ့ စားဖို့ ငါးလေးချဉ်သုပ် သုပ်တယ်။ ကြက်သွန်ဖြူ၊ နီ ပါးပါးလှီး၊ နံနံပင်၊ ပင်စိမ်း၊ ငရုတ်သီးစိမ်း နဲ့ ငါးလေးချဉ်ကို အချိုမှုန့်၊ ငံပြာရည်နည်းနည်းနဲ့ ဆီထည့်ပြီး ရောနယ်သုပ်လိုက်တယ်။ ကဲ- ပူပူစပ်စပ် မျှစ်တာလပေါနဲ့ ငါးလေးချဉ်သုပ်လေး စားကြရအောင်နော်။

" ငါးရံ့ခေါင်းဒန့်သလွန်သီးချဉ်ရည်၊ ကြက်သားအာလူးနဲ့ ငါးပိတို့စရာ "

ဟိုတလောက ချက်စားဖြစ်တာလေးပါ။ ငါးရံ့တွေဝယ်ချက်စားပြီး ခေါင်းတွေကျန်နေတာနဲ့ ငါးရံ့ခေါင်းကို ဒန့်သလွန်သီးနဲ့ ချဉ်ရည်ဟင်းချက်တယ်။ ငါးရံ့ခေါင်းကို ဆား၊ ဆနွင်း၊ အချိုမှုန့်နဲ့ နယ်ထားတယ်။ ဒန့်သလွန်သီးကို ခြစ်ပြီး အပိုင်းလေးတွေ ဖြတ်တယ်။ ကြက်သွန်ဖြူ၊နီထောင်းပြီး အရောင်တင်မှုန့်ထည့် ဆီသတ်တယ်။ ဆီသတ်မွှေးလာရင် ခရမ်းချဉ်သီး လှီးထားတာ ထည့်ဆီသတ်တယ်။ ခရမ်းချဉ်သီးလိပ်သွားရင် ငါးခေါင်းထည့်လုံးတယ်။ နောက်တော့ ဒန့်သလွန်သီးတွေပါ ထည့်၊ ငံပြာရည်နဲ့ အချိုမှုန့်ထည်ပြီး မွှေးသည်အထိလုံးတည်တယ်။ ဟင်းမွှေးလာရင် ရေနွေးထည့်တည်တယ်။ ဒန့်သလွန်သီးရော ငါးခေါင်းတွေပါရရင် မကျည်းရည်ဖျော်ထည့်ပြီး အပေါ့အငံမြည်းပြီးရင် ရပါပြီ။ နံနံပင်လေးကို တော့ စားခါနီးမှ အုပ်ပြီးစားတယ်။

အဲဒီနေ့က ကြက်သားအာလူးဟင်းလည်း ချက်တယ်။ ကြက်သွန်ဖြူနီဂျင်းနဲ့ အရောင်တင်မှုန့်ရော ဆီသတ်တယ်။ ဆီသတ်ရရင် ဆားဆနွင်းနယ်ထားတဲ့ ကြက်သားထည့်၊ ငံပြာရည်နဲ့ အချိုမှုန့်ထည့်ပြီး လုံးတယ်။ ကြက်သားက ထွက်တဲ့ ရေခန်းရင် ရေဆူထည့်ပြီး ကြက်သားနူးသည်အထိ တည်တယ်။ အားလူးကို အခွံခွာ၊ လေးစိတ်စိတ်ပြီး ဆားရည်နဲ့ စိမ်ထားတယ်။ ကြက်သားနူးခါနီးရင် အာလူးရောထည့်ချက်ပြီး အပေါ့အငံမြည်း၊ အရသာအနေတော်ဖြစ်ပြီး ကြက်သားရော အာလူးပါနူးရင် ရပါပြီ။ 

ငါးပိရည်လေးဖျော်၊ ဒညင်းဝက်ကြော်လေးနဲ့ စားကြတယ်။